新政府總部嘅局長私人廁所發現退伍軍人症桿菌，原來係啲局長少使用所致，真係唔衰攞嚟衰，搞到最終要停用熱水。尋日我哋問過多位局長，大多對停用熱水無乜意見，但民政事務局局長曾德成竟然唔肯回應多唔多使用私人廁所，仲怪責記者問佢有關沖涼嘅事添。咁又係，德成局長唔肯答嘅嘢邊個逼到佢吖，唔係一陣佢又會使出金句：「我做新聞嗰陣你都未出世，逼我唔到嘅！」
