司機：佢攀欄冇十秒就跳
【本報訊】「我安全帶都未除，個女仔（大孖）已經開咗車門，爬上圍欄唔夠十秒就跳咗落去，救都救唔切。」接載孖女的陳姓的士司機，被大孖跳橋舉動嚇呆，對於無法救回大孖性命感到惋惜難過。
陳表示，孖女在尖沙咀滿身酒氣吸住煙上車，的士駛至柯士甸道龍堡酒店後，兩人已開始爭吵。細孖直斥大孖「依家幾點呀，正常人都瞓咗覺啦」，又怪責大孖經常飲醉酒，嘔吐之餘，又打爛物件，惹上麻煩又要家人擔保。大孖聽後反應激烈，怒吼「信唔信我盅你呀，最多咪判一百小時服務令」，兩人隨即互有推撞，大孖更掌摑及扯細孖頭髮，更企圖將頭按落車底。
恐細孖追出 頂住車門
陳形容，兩姊妹愈吵愈激，細孖終忍不住報警，又叫他向警員報告身處位置。陳打死火燈將的士停在天橋邊，大孖即從左邊車門衝出，快速攀上圍欄身體向前衝。陳來不及除下安全帶，大孖在圍欄逗留不足十秒，已飛身躍下橋底。細孖亦一度欲開車門追出，陳恐她有意外，慌忙頂住車門阻止，卅分鐘後警員才到達現場。