泛民主派尋日舉行第二場特首初選辯論，今日仲會喺全港七十個港鐵站外進行全面投票，搞到好似真選舉一樣。其中民協立法會議員馮檢基近日更加「上晒身」，為咗勝出泛民初選乜嘢搞笑嘢都肯做，乜嘢荒謬政策措施都肯承諾，並向初選對手民主黨主席何俊仁作出猛烈抨擊。不過，鐵頭仁尋日就喺論壇上點醒阿基，話無論初選結果點都好，佢哋最後都冇可能會選到，叫對方唔好再發特首春秋大夢。
