鄉議局主席劉皇發，去年年初失落屯門鄉事委員會主席一職後，連帶屯門區議會當然議員及區議會主席身份都冇埋，儘管如此，民政事務局點都要委任番佢入區議會，尋日仲獲選做番主席添！其實好多鄉紳早就預料到呢個結局，所以尋日就拉大隊到區議會抗議。不過，發叔話聖人都有人反對啦，佢尊重人哋表達嘅權利喎。嘩，將自己同聖人比較，知唔知個醜字點寫呢？
