仁濟裝修 噪音塵土滋擾

劉先生日前往仁濟醫院B座探望親友時，未踏入病房已聞得刺耳鑽鑿聲響，其後更發現有人正在病床旁鑽鑿牆身，但「工地」則僅以帆布遮擋，非但未能有效隔音，更擔心塵埃飛揚有礙病人健康，「差唔多日日都鑽，親戚話有時仲會嘈足成日，叫啲病人點養病？」

熟悉電工的劉生質疑醫院處理手法不當，直有「搵病人健康較飛」之嫌，「入牆線係好睇啲，但做工程都冇理由唔閂咗個病房啫，其實醫院冇位搬病人走都可以改用明喉，既實際又唔使鑽牆，最重要係唔會搞到病人！」劉指曾有多名病人家屬先後向醫院反映不滿，惟最終俱不得要領。

工程前 病房工程主要在內牆身安裝「入牆式」電掣。（讀者提供）

工程後

記者實地了解發現B座兒童病房正進行換電線工程，與病床咫呎之隔的範圍被圍封，工程進行期間病童將首當其衝受影響。

市民心聲 蘇先生：「我都係做工程嘅，通常會清空咗個病房先做維修，唔係啲灰塵同噪音會影響到啲儀器運作，亦會嘈住病人。」

黃小姐：「醫院廿四小時都有病人休養，咩時段都唔適合做工程，如果要做都應該清咗間病房先。」

院方避談減滋擾做法

仁濟醫院發言人承認，該院正進行多項改善工程，承建商須遵照相關工程管制噪音條例，而院方亦有監察承建商的施工情況及成效。但對曾否考慮採取非入牆方式安裝以減低對病人造成滋擾一事，發言人則未有回應。

「入牆工程會好大塵同有大量噪音，唔單止滋擾病人，對醫療儀器運作亦有影響，醫院咁做唔係好恰當！」香港理工大學機械工程師盧覺強指出，「入牆式」裝置需在牆壁鑿槽安裝電線喉管，鑽地時會發出噪音，造價較高，需時亦為「明喉」（即喉管外露）的三倍。盧又認為，有關工程範圍雖有帆布圍封，但抽風系統仍有機會將塵埃抽入病房，建議工程期間將病人搬往其他病房，以策安全。

病人互助組織聯盟副主席張德喜指該院漠視病人利益，「工程首要考慮係唔好騷擾病人，病房有病人住緊，即使跟足條例都要用最快捷、方便嘅方法去做工程！」