探射燈：變性手術需年半嚴謹評估

香港執業精神科醫生協會主席黃以謙稱，合資格做變性手術的人須有強烈變性意欲，「呢種意欲必須係與生俱來，佢哋要係真正性身份障礙的人，擁有強烈想變性嘅意欲，仲要極度唔滿意天生嘅性別，強烈想改變做另一種性別！」

改變裝扮談吐如廁方法

他表示有意變性的人，手術前必須要接受長達十八個月的心理及精神科評估，並由專業的精神科醫生、臨床心理學家、社工、內分泌專家、內科專科醫生及婦產科醫生負責，更需要以想變性的性別生活一年半，「如果想做女人，由評估開始就要全面以女性嘅方式生活一年半以上，由着衫、裝扮、談吐、去廁所方法，甚至連工作都要堅持用另一種身份去做，等佢哋繼續接觸佢嘅朋友同親人，學識面對人哋嘅睇法！」若捱不過這一年半的「變性」生活，則未能符合評估。

此外，在評估過程中，有意變性的人每月需要見一次精神科醫生，完成整個評估後，精神科醫生、臨床心理學家及社工會商討是否適合「變性」，若適合則會安排手術日期。