中一收生首日交表激增

下學年升中人數料有六萬二千多人，較本學年增加約一千五百人。但全港二百間中學參與自願減班，令自行收生階段的中一學額較去年大減約二千個。不少傳統名校官中減班後，自行收生階段學額亦由以往的五十四個減至四十三個；英皇書院校長陳胡美好指，首日已收到約卅份申請表，料在自行收生學額減少下，競爭會更激烈。

部分「隔年減班」的地區名校下學年無論減班或加班，都為家長「必爭之選」。本學年開五班中一、下學年需減班的東區名校張祝珊英文中學，首日收到十二份申請表，較以往多兩、三份，校長阮子琳說：「每逢減班嗰年，自行收生階段學額相對少咗，競爭自然會大咗，好似一○／一一學年減開一班中一，就出現十人爭一個學額嘅情況。」

家長心聲 洪太（財務界）：「香港成個教育制度有問題，縮班減學位、三三四學制都係突然執行，但龍年咁多人爭學位，係好危險，唔應該咁樣做。」

林太（家庭主婦）：「千禧龍年學位好緊張，真係要睇小朋友嘅緣分，但啲學校嘅賣物會、簡介會都參加晒，也盡量教佢有責任心，要佢自己返學放學。」

北區名校香港道教聯合會鄧顯紀念中學首日收到十八份申請表，較去年首日增加八成，校長劉志遠稱，今年多出一批跨境學童家長查詢，「我哋預計多咗人報讀，所以下學年開五班中一，但即使開多一班，只會有更多家長想博一博，所以估計競爭仍相當激烈。」

「多啲證書易搵學校」

不少家長亦早為子女作部署，為兒子報讀英皇書院的羅先生指，兒子現每日花十六小時在學習及課外活動上，甚少時間休息，「龍年效應競爭好大，多啲證書先會易啲搵學校」，他批評教育局不應在龍年效應下一刀切減班，令學生「爭崩頭」。另有家長特訓兒子免成「港孩」，何同學昨便自行往皇仁書院遞交申請表，他指父母預料龍年競爭大，遂要他自己返學及放學，訓練其學識獨立。