當普羅大眾前晚喺尖沙咀海旁參加除夕倒數煙火匯演後，旅遊發展局主席田北俊已急不及待講定明年倒數活動安排，佢話由於新鴻基地產不再贊助倒數活動，估計明年再喺中環國際金融中心二期舉辦倒數迎新年活動嘅機會唔高，所以要積極尋找贊助商同場地，但有信心呢項活動可以繼續舉行喎。田少預早一年開口講定先，莫非佢預期今年「撲水」會好難？
