煲呔曾不只一次洋洋得意話，香港單靠金融業可以養活千萬人，其他行業畀佢講到好似不值一提咁。不過，財經事務及庫務局局長陳家強（傻強）尋日喺電台節目，疑似同煲呔曾唱反調，表明自己唔認同「金融獨大」嘅評論，反指此講法以偏概全，忽略咗金融業推動其他行業嘅發展喎。其實本港經濟「金融獨大」，甚至出現「金融霸權」，已經係不爭嘅事實，傻強點死撐都改變唔到。
