欣安邨欠燈位 過路高危
行人過路處危機四伏，運輸署卻「唔踢唔郁」！馬鞍山欣安邨對出過路處雖設有安全島，但不時有重型車輛高速飛馳，途人安全備受威脅。居民多番要求下運輸署仍堅拒改善，經本報多次轉介後，該署始作「補鑊」。區議員及立法會議員均斥部門做法不負責任，促當局正視問題，保障居民安全。
馬鞍山欣安邨落成至今僅約半年，由於邨內配套設施不足，居民多前往附近商場購買日常生活所需，惟途中必經的行人過路處卻危機重重。羅太便坦言步步驚心，「我啱啱做完手術，唔可以行得快，次次過馬路啲車都衝得好快，完全唔識停咁，真係好驚畀佢車死！」羅太不滿上址僅設安全島，斑馬線與過路燈均欠奉。
居民每天提心吊膽
剛遷至的李女士亦不滿道路配套不足，令居民每天提心吊膽，為了確保女兒安全，每天堅持接送女兒上下課，她說：「條馬路啲車全部喺彎位轉出嚟，一個唔覺意就好容易有交通意外，係咪要真係出咗事，政府先肯正視？」
沙田區區議員李子榮（圖２）表示，欣安邨入伙未幾，即有居民強烈要求增設交通燈，並於今年九月已向運輸署轉達居民訴求，可惜未獲該署接納，「佢哋覆返嚟只係話冇咁嘅需要，又話斜影線可以令啲車唔好駛咁埋，事實係十架車有九架都過晒條斜影線行，根本就冇用！」至於設於過路前的「慢駛」、「前面有行人過馬路」等交通標誌亦未能發揮作用，「好似『慢駛』嗰兩個字咁，距離行人過路處鬼咁遠，啲車好多時都唔理直駛過去就算，根本冇理過！」李子榮促運輸署須在意外發生前盡快做好預防措施，以保障居民安全。
「運輸署啲人淨係識得坐喺辦公室，用一般標準去回應市民需求，有冇離譜啲？」立法會交通事務委員會委員王國興直斥運輸署不負責任，處事官僚，要求盡快以行動回應居民訴求，否則不排除將問題提交立法會討論。
斜影線將改行人路
運輸署發言人最初回應查詢時重申，恒輝街的交通並不繁忙，行人過路處亦設有「望左、望右」交通標記，以提示行人小心過路；至於過路處前亦設有交通標誌提醒駕駛人士，故暫時不考慮在上址加設交通燈。不過，經本報再三追問下，該署發言人又改口稱，因應過去一年接獲九宗要求改善行人過路處的投訴，派員實地視察後，已要求路政署將過路處斜影線位置改為行人路，以縮短行人橫過馬路距離，預料工程明年六月動工。
記者 伍思明