中環出更：賢慧社姊妹佳節聚舊
香港處處火樹銀花，假期氣氛極濃，移居加拿大嘅青聯副主席彭芷君（Gigi），都趁機同老公及囝囝返港感受香港嘅歡樂氣氛。Gigi返港除咗同爸爸港協暨奧委會秘書長彭沖等至親團聚之外，亦急不及待約埋青聯一班手足敍舊。
早前一日嘅午膳時間，Gigi同賢慧社主席羅詠詩（Anthea）、名媛榮文蔚表妹兼賢慧社副主席鄭詩韻、陳恩栢等姊妹，現身中環一間酒店食午飯。護膚品名牌ESTEE LAUDER嘅品牌總經理周雯鳳都喺度，原來近排流行針對目標客戶嘅小組銷售，即係「focus group」。賢慧社不乏又靚又叻嘅女強人，自然成為品牌嘅焦點銷售對象。靚女們一邊歎美食，一邊研究扮靚心得，傾得好開心。
彭芷君返港新年倒數
Gigi話，元旦過後佢就會返加拿大，所以要把握時間同好友們歡聚。佢嘅行程已排到滿晒，除咗同Anthea等賢慧社主要成員開會討論明年嘅工作重點，仲會約埋兄弟姊妹去蘭桂坊舉杯倒數，迎接新一年。
卓妮