「嘩！嘩！好犀利呀！」台下掌聲不絕，長者們看着孖仔黃浩然、黃浩洋默契十足的扯鈴表演都驚嘆不已，當司儀邀請觀眾試學扯鈴時，大家都爭相上台，浩然和浩洋透過簡單的技巧令他們一試成功，初哥們笑不攏嘴。短短十數分鐘的表演，就為長者帶來一個開心愉快的下午。

為長者表演 義教小朋友

「除咗鍾意玩扯鈴之外，其實都好想透過表演帶歡樂畀人。」大孖浩然性格內斂，莫講要面對人群表演，以前識朋友亦比較慢熱，不過經過五年的扯鈴訓練，經歷多次比賽、公開表演、義教之後，性格變得開朗。扯鈴亦改變了兩兄弟的前路，「以前唔鍾意讀書，升班都好勉強，但學咗扯鈴後，領悟到只要你肯努力練習，就會有成績。」二人學業自此大有進步。

日積月累的義教，培養浩然和浩洋的耐性。	浩然和浩洋為找到屬於自己的興趣而大樂。	接觸扯鈴後，擴闊了浩然和浩洋的眼光。

○六年升讀中二的細孖浩洋，還未接觸扯鈴時，每當有人問及有何興趣，總是支吾以對，「同阿哥都有踢波，不過玩得唔叻，總覺得唔係代表自己。」肯定自我在青少年成長中尤其重要，迷上扯鈴讓他們尋回自己，認清目標。

現時兩兄弟每星期會花四至五天，每天一至兩小時練習扯鈴，除了希望繼續增強技巧，亦會抽空到社區中心向南亞裔的小朋友、區內青少年義務教授扯鈴，希望藉此在區內宣傳社會共融訊息，「都好想培養到其他人嘅興趣，令佢哋開心。」二人現時於香港道教聯合會圓玄學院第三中學就讀中六，畢業後，哥哥希望可繼續於雜耍專業發展，而弟弟就希望當髮型師，唯一共同的路，就是繼續扯鈴，「玩扯鈴係唔會有完嘅一日。」

圖﹕甘偉倫／文﹕龔蕙芝