當大家都睇死民協特首參選人馮檢基（KK）好快就喺泛民特首初選被踢出局嘅時候，身為民協主席嘅老虎仔廖成利，當然力撐KK喇﹗尋日老虎仔比喻KK係龜兔賽跑入面隻龜，大家唔好睇小佢，跟住仲誇口KK有撒手鐧未使出嚟，況且民協廿六個地區動員起嚟，數目「可以好驚人」。雖然老虎仔唔肯透露撒手鐧係乜，不過反正KK跑出機會極微，佢大可以作大膽承諾，例如全民免稅再加派錢萬二蚊，甚至誇張啲起條橋連接香港同台灣都得啦﹗反正都係爭取曝光啫。
