政情：鄧國威激瘦惹患病疑雲

見到咁嘅情況，我哋即時向各方求證，證實只係虛驚一場，鄧常秘應該唔係病咗先會咁瘦，據講佢係刻意減肥，由於太過成功，所以睇落先會削咗咁多啫！有勞福局中人亦話，鄧常秘健康應該冇問題，皆因佢日日照常返工，加上思路清晰，轉數亦快，減肥成功已經一段日子，證明磅數無反彈，不過乜嘢方法咁成功，勞福局老友就無講。

夕陽政府接連有高官身體出問題，好似前商務及經濟發展局局長馬時亨同劉吳惠蘭，同埋教育局局長孫明揚三位官場老手咁，前兩者因病退休、另一個就苦苦支撐。鄧國威無事就好喇，現今社會嘅共識，都係身體瘦啲健康啲。