中環出更：林玉茵 顏明秀 暢談自拍風
依家好多人鍾意用手機影相，正所謂一機在手，個個都可以成為攝影師！就連香港菁英會菁英幗聚研究會主席林玉茵同廠商會青年委員會副主席顏明秀都鍾意揸機影相，實行用鏡頭記錄生活點滴。時下不少年輕男女鍾意玩自拍仲會放上網公諸同好，林玉茵話自己好少自拍，顏明秀就建議年輕人要識得保護自己，太私人嘅相最好唔好放上網，要識得分寸。
o靚模加註解當日記
菁英幗聚研究會尋日公布咗個調查，發現有好多女仔鍾意自拍，題材主要係日常生活，亦有同另一半嘅親密照，部分人更會將自拍照放上網。林玉茵就話自己鍾意影風景相，好少自拍，放上網都係自己養嘅狗仔相，講笑話相信隻狗仔唔會介意主人洩露佢私隱。
出席同一活動嘅新進女模符曉薇話，佢十八歲起就有自拍習慣，部分自拍照會放上網並附上註解，好似日記咁交代當日嘅事，同埋希望得到朋友嘅「Like」。