定位「中間偏右」嘅自由黨致力為中產人士發聲，尋日佢哋舉辦特首參選人座談會時，不時就中產關心嘅樓價問題，以致稅務優惠等問題要求出席嘅特首參選人表態，連根本冇機會贏出嘅馮檢基（KK）亦唔放過，既明批暗寸佢只係識幫基層，唔了解中產問題，又直言佢無行政經驗，搞到阿基全程畀人撳住嚟打，惟有重申自己喺最窮嘅深水埗打滾咗三十年，咁係咪即係話：「問我中產，我答唔到o架！」
