本港近日發現有死雀帶有H5禽流感，曾參與○三年沙士抗疫嘅中文大學校長沈祖堯坦言，近年港人對傳染病嘅警覺性下降，認為政府要時刻做宣傳提醒市民，唔好忘記當年沙士嘅教訓喎。沈校長咁講，係咪想暗示政府嘅傳染病宣傳工作疏懶咗呢？佢仲話，近年發生多宗醫療事故係同醫療人手不足有關，矛頭直指政府冇解決人手流失問題，歸根究柢都係食物及衞生局局長周一嶽失職。
