莫乃光收李惠光封信
早前當選IT界票王嘅莫乃光（Charles）喺社交網站爆料，話特首參選人梁振英（CY）將恭賀IT界選委當選嘅信件全部寄錯晒，佢就收咗另一名IT界選委李惠光嘅信件，據佢所知最少有幾個人都收到唔屬於自己嘅恭賀信。另外，有IT界選委話好彩係老友收到佢封信，所以索性自行交換番封信就算。
Charles同我哋講，CY今次出錯真係好論盡，因為佢寄錯嘅界別並非漁農界，相反係成日用社交網站嘅IT界，所以好難唔畀人發現，只可以奉勸佢下次小心啲。據聞CY嘅競選辦公室發現後即刻補鑊，已決定會再次郵寄恭賀信畀三十名IT界選委，確保佢哋收到屬於自己封信，又希望佢哋多多包涵喎。