【本報記者】姚韡當日因賄賂隊友而被捕的消息傳出後，不少球迷第一反應是「香港隊咁渣，使乜賄賂呀？點都輸啦！」其實不少操控球賽的大戶，就是利用這個觀念，專揀選強弱懸殊球賽下注，瞞天過海造假波贏大錢。
球迷及賭客普遍都有一個錯誤觀念，以為造假波的是外圍莊家，但其實外圍莊家主要靠賺取水位維生，大部分造假波的都是大戶。大戶操控球賽原理簡單，他們專揀強弱懸殊球賽，並下注實力較強一方，因為即使弱隊輸波甚至大敗，外界不會認為賽果有可疑，大戶便可瞞天過海。
不過，大戶為求穩陣贏錢，會找弱隊的球員賄賂他們刻意輸波，確保弱隊必輸，弱旅球員即使場上表現失準，亦不會太礙眼。
此外，在強弱懸殊的球賽，很多時波盤會出現「讓波」，例如姚韡涉及賄賂的賽事，賽前盤口是俄羅斯讓兩球半，大戶下注俄隊，就要確保俄隊要淨勝港隊三球或以上才贏錢，故大戶要賄賂球員大敗。然而，今仗最終結果俄隊小勝香港二比一，下注俄隊最終要輸錢。
這個「讓波」讓得如此嚴重的情況，早年在中超的球賽經常出現，有時強隊要讓弱隊三球半，但強隊最終就剛巧贏四球，上盤穩陣開出，內地大戶就贏大錢。不過，由於中央近年積極打假，故部分大戶因利成便轉而向港足埋手。