中環出更：星級名廚礦泉水入饌

撐場嘅名廚包括意菜餐廳8 1/2 Otto e Mezzo Bombana名廚Bombana、以分子料理聞名嘅Bo Innovation名廚Chris及Mark、桃花源小廚行政總監黎宇文及東來順總廚陳國強等人，陣容龐大令人咋舌。原來佢哋都係SP嘅擁躉，除咗喺餐廳提供畀客人飲用外，仲以水入饌添！咪睇小礦泉水嘅重要性，其實好多食家柯打清水多過酒，事關一杯質地純美嘅礦泉水或氣泡水，可以令味蕾清新，帶出佳餚嘅原汁原味。

葉澍堃愛薄餅配果汁

馬會大董葉澍堃（Stephen）同細仔葉瀚華（Ian）都喺度，Ian仲化身攝影師捕捉現場氣氛。當晚宴客嘅美食採用珍貴食材炮製，一口一啖，恰到好處，時尚界名人兼導演甘國亮都盛讚。Stephen就鍾意「三文魚配蕎麥小薄餅」配搭SP檸檬味有氣果汁，夠晒清新。原來佢係SP嘅粉絲，勁讚口感好細緻，難怪多年前一試即愛上。

卓妮

SP礦泉水喺中菜館好受歡迎，桃花源嘅黎宇文（右）及東來順陳國強（左）都大讚。中為SP高層Anthony。

葉澍堃（右）及囝囝葉瀚華父子兵出動。