昂坪360虐老 千人食風苦候

昨晨九時前，東涌纜車站已有大批長者排隊等候，接近十時纜車開始運作，人龍已排至東薈城，纜車公司將優惠換票的長者與購票人士分成兩條龍，買票者只需等五分鐘便可登車，但長者則要在寒冷天氣苦候三小時才能登車。東涌居民陳先生路過目睹大批長者為坐免費車受苦排隊，擔心他們受涼病倒，於是致電纜車公司投訴，他批評纜車公司好心做壞事，建議改善排隊安排。

「無得食無得去廁所夠折磨」

七十五歲的梁伯與太太早上十時半到達東涌纜車站，苦候三小時始能登上纜車，「幾十歲企咁耐排隊好辛苦，好似拎我哋老人家嚟玩咁！我以後都唔會再坐，回程寧願坐巴士回東涌」。

何伯批評纜車公司讓買票人士先上車「離晒譜」，「要老人家企幾個鐘認真攞命！」莫婆婆斥纜車公司安排失當，「排幾個鐘頭又唔可以行開，唔敢去洗手間唔敢買嘢食，簡直係折磨！」

香港防止虐待長者協會副總幹事余嘉龍怒斥纜車公司間接虐老，「天氣咁凍無得食嘢無得去廁所，根本係折磨老人家！」他指即場排隊等候是荒謬做法，「要優惠長者大可透過社區中心同民政處派發指定時段嘅車票，點解要留難老人家？係咪要有條人龍畀人睇佢做緊慈善呢？」

昂坪360發言人稱，昨日排隊人士秩序良好，亦已因應情況作出靈活調配措施，包括提早半小時於九時半提供服務，又加派人手照顧排隊的長者，以及提醒他們預算輪候時間，同時在地鐵站作出廣播通知乘客纜車輪候人數眾多；而將購票人士與優惠長者分兩條龍是希望加快效率。