明‧呂坤有言：心一鬆散，萬事不可收拾。觀乎當局一再放生淫賤傳媒，便知港府有例不依、心常鬆散、姑息養奸，令人髮指。
影視處講一套，做一套，話對一些明顯違反《淫褻及不雅物品管制條例》嘅報刊，會考慮加強執法，向有關出版商作直接檢控，且不會事先把有關物品交淫審處評定類別，以確保檢控行動更快捷。
然而，影視處卻無視社會及公眾的聲音，《爽報》出版未夠三個月，被評為二級不雅物品已累積多達二十三項，其色情、暴力內容、漫畫惹起學校、家長、老師的憤怒，但影視處至今依然未有何行動。
事實上，壹淫媒多年來宣淫販賤，違反不雅條例逾百宗，卻從未見影視處手執尚方寶劍直接檢控淫媒，有法不用，難怪淫媒有恃無恐，一於把宣淫販賤當搵銀事業，話之你道德淪喪、社會風氣敗壞！
淫審處及影視處應告不告，卻選擇性針對《東方日報》及《太陽報》，連「中庸之道」都守唔住，家陣仲叫佢斬妖除魔，那簡直係叫妓女守貞節。講真，大眾都係要求佢做到「不偏不倚」啫，之不過，佢哋連底線都守唔住，同一輯照片，竟然有三重標準！香港今日之所以淪為「妖獸都市」，政府有法不依，應告不告——就係禍源！
都話「人在做，天在看」，當局姑息養奸，好心夕陽政府唔好再吹水「強政勵治」，索性認咗「福為淫開」，贏得多少薄幸名，也就當是另類「政績」。