「年年都見《東方》送禮」 四代同堂婆婆心甜晒
【本報訊】昨日屯門的氣溫跌至十度左右，但四代同堂的劉容少一家卻洋溢着溫馨暖意。六十五歲的劉婆婆與孫先生育有兩子一女，上有年逾九十的母親、下有三歲孫女，生活雖簡樸但樂也融融。劉婆婆自五年前退休後，一直積極參與長者中心活動，亦坦言對於東方日報慈善基金舉辦的各項節日關懷活動非常熟悉，「年年大時大節都見到《東方》送嚟嘅禮物，真係好開心架，次次收到嗰刻真係心都甜晒！」
最大心願愛心延續
恒基兆業地產集團副主席李家誠、東方日報慈善基金及太陽報愛心基金副主席馬興國昨日一同探訪劉婆婆，並送上生果籃及禮物包等，令婆婆一家喜出望外，大呼禮物「好啱使」，「呢幾日咁凍，張毛氈一摸就知夠晒暖笠笠啦，冬至又就嚟到，啲冬菇、湯包又啱啱好可以拎嚟做冬！」劉婆婆稱，近年物價急升，每逢大時大節也會為「團年飯」而大感苦惱，「今年啲嘢真係特別貴，買得一樣又買唔到第二樣，想加味餸都難，所以呢個禮物包對於我哋嚟講係特別有意義！」
劉婆婆坦言獲贈禮物包固然快樂，但更大心願是希望善長將愛心延續到社區每一個角落，「其實好多老人家都好需要呢啲關心，希望個活動會繼續搞落去，等更加多有需要嘅老人家受惠！」