用千斤頂輔助換啤令
資深工程師黃澤恩表示，更換「啤令」做法一般有兩個。第一是直接在橋躉更換，「如果只係其中一個『啤令』爛咗，可以直接喺條隙度換。」但如果橋面和橋躉之間欠缺空位，則要使用俗稱「千斤頂」的油壓唧，先將橋面「唧起」，再換掉已經損壞的「啤令」。
如天橋出現地基沉降現象，則要先找出沉降原因，以便「對症下藥」。「如果係水土流失，就要灌漿；如果係有空隙，就要墊高佢。」過往本港的天橋亦曾出現相類問題。今年二月，本報揭發通車近廿七年的東區走廊銅鑼灣入口出現橋身移位。另外，今年三月，連接沙田和馬鞍山的沙田石門交匯處天橋，也出現橋躉沉降情況。