中原地產擬新年後裁300人

【本報訊】政府去年底實施多項壓抑樓市措施包括徵收額外印花稅以打擊炒家,兩大地產代理集團美聯物業及由施永青創立的中原地產均表示,樓市交投淡靜令經營情況嚴峻,措施打擊短線投資客戶外,亦令中、長線投資客戶卻步,個別地產代理已半年未「發市」,不排除明年初裁員二百至三百人。

中原地產部亞太區董事總經理陳永傑表示,二手住宅買賣一直佔該公司約七成生意額,但受額外印花稅措施影響,樓市已進入冰河時期,「睇到有啲同事、經紀係六個月都無開單,係零,呢一部分同事係好危險,今日以咁樣嘅形勢,養活唔到大部分地產代理!」

無單開比○三年更慘

他指,今年上半年約有三百名營業員營業額未能達標,公司只採取自然流失方式而未有裁員,而今年下半年的經營情況更嚴峻,至今約有五百名營業員佣金未能達標,佔整體營業員約一成三,若情況未有改善,不排除新年後有二百至三百名員工被要求離職。

美聯集團副主席黃錦康亦表示,措施已嚴重打擊地產代理經營情況,「所有syndrome(徵狀)已經出晒嚟,係會令到個市場短線客少晒不特止,中、長線戶都會唔願意入呢個市」,他預期明年全年二手市場交易可能只有四萬多宗,流通量只有百分之三點八,創歷史新低,「係比○二、○三年我哋嗌慘嘅時候更慘!」他表示,會留意樓市的情況調整人手,不排除需要裁員的可能性。

「Money18免費即秒股票報價網站」現推出8升級功能,財經資訊,實時實發!