前財爺梁錦松近日頻頻曝光，卓妮日前下晝三點鐘，就喺中環ifc商場內見西裝骨骨嘅阿松一手挽住個膠袋，一手拿住杯飲品，邊行邊飲，當行經一間電器店時，就駐足觀看櫥窗嘅大型電視，咁啱當時有位拉住行李篋嘅女遊客行過，營造出一幅阿松望女仔嘅有趣照片。阿松大約望咗十秒鐘電視左右就離開，然後繼續邊行邊飲嘢返回寫字樓繼續工作。
