區議會選舉「種票」愈揭愈臭，審計署早在○六年已經揭露有幾百宗一個地址多過十名登記選民嘅個案，曾任選舉管理委員會主席嘅胡國興，尋日喺立法會被問到咁多年問題都冇改善，佢即刻耍手擰頭話唔會回答，又聲言自己喺種票問題上「完全冇責任」，又話審計署「說三道四」，語出驚人。胡官依家專責監察執法部門竊聽不當嘅工作，講到種票咁久遠嘅事都幾難追究佢嘅責任。
