中環出更：邱達宏妙論意國買車
好多歐盟國家都因為經濟危機而處於水深火熱，工業總會行政總裁邱達宏（Dennis）兩個月前就到訪飽受財困嘅意大利，佢仲去埋米蘭參觀時裝節添。
南方慵懶 匪夷所思
Dennis話，當地市面仍然歌舞昇平，豪華靚車隨處可見，仲話意大利人買車有個要訣，就係如果汽車產於南部，出廠日期又係周一或周五嘅話，就絕對唔會買，因為擔心工人喺假期前後心散，未能認真工作喎。
Dennis話，意國積極進取嘅工商業都集中喺北部，奈何南方就較為優游怠慢，講求生活享受，其慵懶之處更令人匪夷所思，能夠維持生活惟靠北方賺取嘅財富。Dennis憶述，佢代表貿發局駐歐洲期間，有意國某知名車廠，就響應政府號召前往南方設廠，但不久就發現經營困難，原來當地工人獲發工資後隨即缺勤，直至使乾使淨先至肯重投工作崗位，難怪意大利人民買車會有咁嘅心得。