區議會選舉被揭發多宗疑似種票個案，可惜政府踢一踢、郁一郁，唔畀人鬧都唔跟進個案。其實審計署早喺○六年已經叫政府抽查核實選民申報嘅住址是否正確，但政府就推三推四唔肯做，審計署署長鄧國斌就形容，醫生幫病人驗身後，發現有病都要病人肯食藥先至得。鄧國斌口中唔食藥嘅病人，好明顯就係指前政制及內地事務局局長林瑞麟，佢要為疑似種票個案負上最大責任。
