巴士頻頻脫班，小巿民投訴無門！吳小姐日前於傍晚六時許在尖沙咀栢麗大道等候九巴41A線擬往青衣，惟「罰企」四十分鐘後始能登車，「呢架車成日都遲，朝早一定唔會搭佢返工，點知放工都係遲咁耐！」
九巴發言人指出，當日有車長因病缺勤，加上受彌敦道一帶車多阻塞影響，令班次略為延誤，站長已即時安排總站其他班次盡快開出，以疏導乘客。
不過，吳小姐坦言不會接受九巴的解釋，「35A都係同一總站、行同一條路，點解會有三部35A經過，但係一部41A都冇？我喺栢麗大道都唔見彌敦道有塞車，上咗車一樣冇見到塞車，分明講大話！」吳指41A線的脫班問題在青衣區內已廣受關注，促九巴從善如流，切實改善。