探射燈：輔導服務 年年招標影響成效
全方位學生輔導服務被批評撥款不足外，其招標制度亦引人詬病。根據現行政策，學生輔導服務每年招標一次，提供輔導服務的機構未必每年會被選中，部分學校因而要經常轉換輔導員，影響輔導成效。
頻換人礙跟進個案
「輔導員可能花咗好長時間，先同到學生、家長建立關係，願意傾啲深入嘅問題，但若果機構投唔到標，輔導員唔可以繼續跟進個案，對學生同家長都唔好。」現已轉為外展社工的前小學輔導員劉嘉揚指，招標制度下小學輔導員經常更替，學生及家長難以投以信任，「佢哋會覺得你下年都走啦，點解要同你傾？」
藍天心理諮詢中心臨床心理學家鄒凱詩亦指，有情緒或家庭問題的學生較難信任陌生人，輔導員需花更長時間才能與學生建立互信關係，令學生願意接受幫助，「一般有問題嘅學生需要同輔導員見面八至十次先會信任佢，固定嘅輔導員先可以畀到安全感學生，佢哋先肯畀你幫。」