區議會選舉過後三個禮拜，民政事務局局長曾德成竟然褒獎採取三不政策嘅候選人，曾德成尋日喺佢嘅「局長隨筆」上話，有啲不組織助選團、不派傳單、不「嗌咪」嘅候選人，低調地競選，竟然都贏出，真令人驚異。佢話其實就係呢啲候選人平日做實事，同居民嘅關係達到這樣的水乳交融程度，居民唔使點動員，都會主動去投票喎。選舉唔係應該公平公正公開嘅咩？局長呢個取態令人驚異就真喇。
