政情：鼠王芬自嘆成犧牲品
專業會議立法會議員梁美芬自替補風波後蟄伏多時，連前排區議會選舉都唔係好覺佢嘅蹤影。尋日佢終於透過電台節目表白心迹，原來佢感慨自己早年搞滅鼠行動，淪為狠批下嘅「犧牲品」，但諗通咗後，佢決定會繼續服務社區喎。
外號鼠王芬嘅梁美芬，尋日大吐苦水，佢自言喺選舉期間，佢自己同佢做嘅地區工作，因為遭到對手無情抹黑而成為「犧牲品」，包括幾年前佢搞嘅旺角滅鼠行動。相信大家唔會忘記，當年佢搞完滅鼠後，被人笑佢係鼠王芬笑到依家，難怪佢有咁大心理陰影，加上佢喺替補風波中講完「懲罰選民」論後，佢就開始收埋自己。
鼠王芬喺區議會選舉避開對手衝擊，贏到離行離列之後，已重拾自信，話唔怕被對手妖魔化同狠批，又話唔覺得為咗改善地區衞生去滅鼠有幾蠢喎。立法會選舉嚟緊，相信佢都係時候重現江湖，提醒市民佢嘅存在喇。