玻璃碎橫飛 許穎驚被擊中毀容
【本報訊】o靚模拍外景遇真實打鬥，場面激過拍戲。參與拍攝《喜上加囍》的許穎，前晚拍戲時目擊案發經過時，身邊玻璃碎片橫飛，令她擔心被玻璃碎片濺傷粉臉而毀容，驚恐不已。
目擊打鬥：好恐怖
許穎昨憶述仍猶有餘悸：「嗰時喺度拍緊戲，距離卅米外突然聽見兩個男人嘈交，跟住見到六、七個男人阻止，過咗一陣就聽到爆玻樽聲，擰頭過去一睇，見到成地玻璃碎，之後聽到反枱聲，見到成地杯碟，其他人嚇到雞飛狗走，跟住見到幾個人打起上嚟！好恐怖！」
許坦言：「當時玻璃碎片彈嚟彈去，我好驚會劃花塊面毀容，或是插傷身體！」幸好尚有一、兩個鏡頭便完成工作，加上有男同事在場，故不擔心人身安全。約十五分鐘後，各人拍完戲便匆匆離開。
該劇導演錢國偉昨日承認，曾經向該食肆借地方拍攝，因為被拒而向另一間食肆借地方拍攝，事發時接近拍攝尾聲，只知有人口角後大打出手，各人樣子兇神惡煞，他為免惹上麻煩，匆匆完成拍攝後即刻離開現場。演員之一的喬寶寶則稱，前日拍攝一場戲後於七時已經離去，故不知道發生襲擊案。
《喜上加囍》由無綫電視與邵氏聯合出品，曾志偉身兼監製及主角，演員包括毛舜筠、黃宗澤、喬寶寶、許穎、馬賽及農夫等藝人。