【本報訊】古先生自○五年起搬入越秀廣場一單位居住，自此就須定期「大開中門」，讓管理公司人員及清潔工進出單位，回想過去該段日子，他以噩夢形容：「佢哋每次清潔完，都會搞到屋企好污糟，又成陣臭味，佢哋走咗之後，我同太太都要花好多時間，清潔番間屋。」
除弄污單位外，古先生更擔心天井的細菌會隨清潔工被帶到廚房，污染家中食物，「清潔工人會經廚房個窗出入天井，啲細菌有可能黏喺佢哋身上，再帶到廚房嘅食物上，食咗容乜易食物中毒？」
對於法庭的判決，古先生坦言，終於放下心頭大石，他說：「啲垃圾又唔係我哋丟出嚟，有乜理由個責任要由我哋負？法庭嘅裁決，可以話還我哋一個公道！」他稱，若管理公司最終增建通道，他願意與其他住戶平分這筆建造費。