界限街違泊嚴重 警方冇符
界限街違泊問題無日無之，警方年發七百張告票亦無濟於事！經常途經大角咀界限街的何先生指出，上址車輛違例停泊問題嚴重，更有車房霸佔對出馬路作維修車輛之用，導致雙行停泊時有出現，「啲違泊車喺界限街兩邊馬路停泊，塞到得番條路仔畀車行，大貨車經過有時都轉唔到彎入！」
警察公共關係科發言人表示，警方對上址一帶違例停泊車情況十分關注，已不時派員巡查及採取執法行動，過去一年對界限街一帶違例泊車人士共發出逾六百八十張定額罰款告票，及發出逾一百三十個口頭警告。
「抄咁多張牌都繼續泊喺度，即係罰款當交租啫，情況一啲都冇改善！」何直指當局處事僵化，倘定額罰款告票未能解決上址違泊問題，便應找出有效方法杜絕違規行為，否則變相縱容車輛繼續犯規。