樓上滲漏 滲水辦跟進求其
天花滲水停不了，食物環境衞生署被指「唔踢唔郁」！麥先生所居物業於○七年已出現天花滲漏，惟滲水辦檢查後竟以「天花無滲水情況」作覆。兩年後滲水問題再現，再次聯絡滲水辦要求派員找出滲水源頭，雖證實滲漏乃受上層單位影響，但滲水情況一直未有根治，令麥困擾非常，「滲水辦證實咗係樓上問題，所以天花先會漏水。但測試完又點？啲水咪又係繼續滲！」
滲水辦發言人證實，○七及○九年曾經先後接獲相關投訴，曾派員上門檢查並作跟進處理。今年十月再接獲有關投訴時，發現單位浴室天花滲水，惟先後兩次到上層單位調查時無人應門，無法入內視察，強調已經發信給住戶預約調查，並且會繼續跟進個案及採取適當行動。
「咁多年嚟滲水都冇停過，係嚴重啲就『打針』搵下滲水源頭，見到個天花冇咁濕就直情話唔跟進！」麥要求滲水辦正視問題。