香港建造業總工會理事長周聯僑認為，未將受傷地盤工人即時送院治理的處理方式並不尋常，易被誤會有企圖隱瞞工傷之意。周聯僑指出，一般公立醫院急症室皆有警員當值，工人因傷送院必有紀錄，選擇將傷勢輕微的工人送往私家診所，即易予人意圖逃避呈報工傷而私了之感，更直指有關手法對工人安全構成威脅。
「我聽過有受傷工友話僱主想私了，應承畀佢停職留薪幾個月喺屋企休養，點知過咗十四日工傷呈報限期就反口，呢啲情況成日有，只不過好多工友都驚會冇咗份工而唔講出嚟！」周指有地盤承建商會擔心呈報工傷數目太多，投標時容易被「扣分」致難以中標，連帶保險費亦會增加，故不少僱主多傾向盡量低調處理，做法值得關注。