商務及經濟發展局局長蘇錦樑（Greg蘇）將競爭法剝牙，不但討好唔到班商界同中小企，而且連民望都輸埋。港大最新民意調查顯示，Greg蘇嘅支持率大幅下跌至百分之二十二，成為民望「包尾」嘅局長，取代以前林瑞麟（林D9）做政制及內地事務局局長時嘅民望低位。不過，林D9升做政務司司長後，民望依然係三司之中最低嘅一個，睇嚟佢民望低唔關個職位事，可能同佢個人有關。
