希拉妮拍手大笑
話說煲呔曾見完美國國務卿希拉妮（Hillary Clinton）後影合照時，忽然有一個赤裸上身、下身淨係圍住一塊布及揸住支火炬嘅男人標出嚟，喺佢哋後面疾走，希拉妮發現半裸男後隨即真情流露，大方拍手大笑，仲同現場攝影記者講笑，話希望佢哋影到個半裸男喎。
煲呔曾就好似未瞓醒咁，面容全程繃緊，雙手放喺背後，只係木無表情咁喺度遠眺個半裸男，都唔知佢想望乜。當煲呔曾擰番過去鏡頭前時，發現全場人都喺度笑緊，佢依然瞓未醒，好似好無助咁，尷尷尬尬咁微笑一下，搞到希拉妮即刻拍吓煲呔曾膊頭安撫吓佢。