雙重身份市民感觸多
「澳門政府慷慨好多，我都無交過稅，呢幾年成家人都有得派錢，兩、三個月就支票到手，香港派錢繁複好多！」正在香港大學修讀研究生課程、廿四歲的Natalie在澳門出生，兒時便跟隨家人來港定居，多年來都享有澳門派錢福利，今年港府首次派錢，她因手續繁複一直未有登記。
Natalie與母親均為澳門永久居民，兩名在港出生的弟弟因母親關係成為澳門非永久居民，父親至今年才申請澳門非永久居民資格。自澳門政府派錢開始，她與母親及弟弟均能受惠，亦曾受惠於中央儲蓄戶口注資，「派咗咁多年都慣咗係收入嘅一部分，會用嚟儲蓄、投資同埋畀屋企。」
埋怨香港手續繁限制多
對於港府今年首次派錢，她讚揚澳門做法慷慨，對受惠人士不設任何限制，「返澳門換身份證時已經登記埋你響香港嘅地址，派錢支票直接寄到嚟我屋企，唔使返澳門搞，過程又快，香港手續同限制都多好多」，她至今仍然未在港登記領取六千元，除因手續較多之外，亦希望取多二百元。
雖然澳門派錢措施較香港優勝，但她坦言從未考慮返澳門長住，「始終澳門生活比較悶，發展機會少啲，好多大學生畢業都係做賭場，好似未能學以致用！」
本報記者