獅子山郊野公園汽水機缺貨，令遊人「有得睇、冇得飲」！長者古先生月前遊經漁護署轄下獅子山郊野公園燒烤場，擬透過汽水機購買飲料解渴，惟付費後卻「有入冇出」，獲途人告知始驚悉汽水機已是空無一物。「冇晒汽水冇人理都算嘞！職員見到好心就貼個告示出嚟啦！我哋長者又唔好眼，搞到入咗錢又冇嘢飲！」古指當日場內不少遊人均指汽水機缺貨已非首次，「中招」者亦大不乏人，不滿漁農自然護理署未有好好監管。
漁護署發言人指出，獅子山郊野公園內共設兩部汽水機，部分較受歡迎飲品會間中售罄，但甚少會出現所有飲品缺貨情況。發言人承諾，日後如發現飲品售罄，會要求汽水機供應商於二十四小時內補充貨品。
古先生近日再訪獅子山郊野公園，發現經本報轉介後，汽水機已再無缺貨情況，「依家秋天愈嚟愈多人燒嘢食，啲飲嘢好多時一日就冇晒，希望政府唔好口輕輕啦！」