探射燈：住客模擬逃生 驚覺死亡黑點
大家有否想過如何在家中走火警逃生？記者邀請「三無」大廈住客模擬走火警演習，住客才驚覺走火通道被嚴重阻塞，更直指：「燒到埋嚟真係唔識點走！」
塞滿木櫃冰箱床褥
在汝州街唐樓單位居住的酒樓侍應莊女士表示，上址雖然未發生火警，但仍擔心不懂如何逃生，「我住九樓，如果有火警好正常會走上天台，但上面啲住客放晒啲雜物，真喺行都行唔到，有火警唔知點算！」莊隨後嘗試由其單位後樓梯 向下走逃生，惟甫一打開門看見滿地垃圾，步行至七樓更見木櫃、冰箱甚至床褥阻住前路，「嘩，呢度（七樓）一定係死亡黑點。」莊稱，從未看見消防人員在大廈巡查，加上大廈無業主立案法團，消防設施一直未有更新，「啲滅火筒一睇就知唔用得，我諗啲唐樓根本冇人理。」
居於白加士街唐樓的陳伯指，該唐樓沒清潔公司，梯間常堆滿垃圾，阻礙逃生。他稱，二樓商戶在梯間加裝鐵閘，逃生更見困難。陳伯嘗試一輪走火警後，只有興嘆：「唔走過（火警）都唔知咁難走，所以有火警我都係唔走好啲。」