泛民主派喺今次區選大敗，各泛民政黨過去一連兩日開記招「哭訴」慘情，白鴿黨同民協控訴被人民力量狙擊，更要從此劃清界線。不過，人民力量立法會議員黃毓民尋日就話，人民力量向來好被動，自去年政改方案後，泛民已經分裂，否則唔會有「票債票償」行動，所以同白鴿黨、民協已無合作空間，如果再傾就要求同存異，但依家睇唔到有咁嘅共識囉。
