中環出更：高靜芝撐囡囡追求藝術

婦女事務委員會主席高靜芝（Sophia）有兩位寶貝女兒，依家都已完成學業返港發展。雖然兩位小公主都係讀美國麻省理工學院，但都有與生俱來嘅藝術細胞。大女盧怡瑋（Diana）自細就係一位收藏家，最近索性將佢至愛嘅藝術人形（Art Figure）發展為一盤生意，引入外國知名嘅藝術家作品來港，現正安排進駐尖沙咀K11購物藝術館展出。
高靜芝對愛女藝術創作無限支持。（余素月攝）
高靜芝對愛女藝術創作無限支持。（余素月攝）

Sophia日前現身K11，力撐商場與香港青年獎勵計劃合辦嘅藝術展覽，唔講唔知，原來Sophia全家都好有藝術天分，其丈夫好鍾意音樂，每日沉醉音樂世界幾個小時，兩個囡囡得到真傳，大女自細鍾意收藏藝術品，細女就決心向作曲家發展，同名師學緊作曲、編曲。至於靚媽有乜嘢拿手好戲？Sophia笑稱，佢就負責為囡囡嘅興趣提供無限支持喇！Sophia話，大女嘅收藏數量驚人，所以要租幾個倉畀愛女擺放至得。

高靜芝（左二）一家四口幸福滿瀉，右二、一分別為Diana及細女。
  • 高靜芝（左二）一家四口幸福滿瀉，右二、一分別為Diana及細女。

「Money18免費即秒股票報價網站」現推出8升級功能，財經資訊，實時實發！