新民黨喺今次區議會選舉成績唔差，主席葉劉淑儀當然好開心，佢由○三年做保安局局長時公眾形象咁差，走到今日有咁嘅成績，真係好唔容易。不過佢接到柯打，要佢幾日唔好講嘢，所以推晒未來幾日嘅約會。葉劉咁強，邊個咁威可以柯打佢？咪醫生囉，佢助選搞到撞瘀咗隻手，把聲又嗌到沙晒，尋日喺facebook話，醫生要佢完全休息，唔好講嘢。其實從政嘅人都係熱衷講嘢，shut up幾日靜思反省，都係唔錯嘅。
