工專聯有十二位立法會議員，但係今次無人用呢個牌頭出戰，Jeffery話大家一早有共識，只要係工專聯嘅人，都一齊拉票，但就用番候選人自己個黨名。至於成績係點，Jeffery話從自由黨嘅成績就知一二，例如山頂候選人陳浩濂大幅拋離公民黨陳淑莊，佢自己都叫咗好多老友投票，碌盡人情卡。就算連立法會議員梁美芬都有幫手，叫晒黃埔區內嘅朋友支持佢。
究竟工專聯幾時先「浮面」參加選舉，Jeffery話估計下年先得。前日選舉，經濟動力派三人出戰，最尾一人跑出，佢話自己成日周圍走幫黨友助選，只不過唔係焦點選區，無乜人知。