中環出更：羅揚傑開P 搵燈神「照」住

譚燕玉布陣築燈牆

Alan係香港設計大使主席，佢同好友Joyce為晚宴籌款，今年已經踏入第四年，請來著名時裝設計師譚燕玉（Vivienne Tam）做晚宴創作總監。今屆大玩燈飾主題，名為「Light the way」，請來全球三十位著名燈飾大師設計多盞型格燈飾，雖然風格各異，經Vivienne「布陣」，立即幻化成巨型「燈牆」，放射出七彩光芒。

晚宴上，前民政事務局常秘李麗娟（Shelley）都買枱支持，當日下午，佢啱啱攞完公大榮譽大學院士，馬上同公子劉堃、胞妹李桂蘭及姨甥戴尚安等趕赴晚宴，順便舉杯慶祝。Shelley早前已獲哈佛大學、港大及演藝頒發榮譽大學院士，加埋公大呢個獎，分分鐘係攞最多大學院士嘅公務員噃。

譚燕玉（左）賞面擔任晚宴創作總監，羅揚傑（中）同太太黃佩茵（右）親自招呼。	作慈善拍賣嘅燈飾。	李麗娟（中）獲公大殊榮，兒子劉堃（右）及其女友蘇文華（左）話要請食飯慶祝。