政情:李漢奸腎病都要撐公文袋

每逢選舉,民主黨創黨主席李柱銘都四出為黨友拉票,但係今次唔同,因為早前黨內傳出李漢奸有腎病,黨友都唔敢開口叫佢去支持。李漢奸尋日的確無去撐黨友,但竟然去咗為公民黨喺山頂出選嘅陳淑莊助選,喺區內逗留咗一個鐘。

尋日李漢奸晨早揸車去投票,跟住就去教堂望彌撒,下晝大約四點左右,佢先至到紅棉道嘅票站為陳淑莊站台,佢話因為自己住呢區,對方選情告急喎。記者問佢會唔會去屯門樂翠區撐同樣選情告急嘅民主黨主席何俊仁,佢就好絕情咁話今年講咗邊個都唔幫。唔知民主黨員見到呢個創黨主席手指拗出唔拗入,有乜感想呢?

記者向佢澄清傳聞,問佢係咪患腎病,佢就話係腎石,猛話「好小嘢嚟啫!」已照X光,但冇問醫生粒石有幾大,而最近較忙,等忙完先做手術喎。記者問佢腎石會唔會影響生活,佢就話自己行得走得,點會有影響?無影響卻又只能幫陳淑莊一人,真係得佢自己至知點解嘞。

「Money18免費即秒股票報價網站」現推出8升級功能,財經資訊,實時實發!