投票遭掟棉花糖 曾蔭權黑面

【本報訊】社民連及四五行動數名成員,昨早趁曾蔭權到港島半山高主教書院票站投票時到場示威,嘗試遠距離向曾蔭權掟棉花糖,但未有掟中。示威者炮轟曾蔭權只懂做騷,在施政報告派糖分量又「輕飄飄」,要求他落實真普選及全面退休保障。

雖然示威者只有六至七人,但由於當中包括曾在立法會答問大會向曾蔭權掟雞蛋的社民連立法會議員梁國雄,現場警方仍如臨大敵,派出大批警員將他們重重包圍及隔離在票站對面馬路的示威區。

「只懂做騷」捱批

曾蔭權與太太約於九時坐車抵達現場,在大批保鏢護送下步入票站,示威者隨即起哄,高舉「特首咪做秀,立即真普選」等抗議標語,高呼「蔭權怕蛋,不如滾蛋」等口號,並向他投擲棉花糖。曾蔭權初時又再「黑面」,但其後又強裝微笑,還向示威者揮手。由於示威區與票站相距一條大馬路,曾蔭權未被掟中,多粒棉花糖散落在馬路中央。

梁國雄批評曾蔭權在任近七年只懂做騷,包括昨日到票站投票,批評他未有落實真普選、甚至取消區議會委任制和撤銷立法會替補機制都不肯做,應立即下台謝罪:「佢離任在即,話要做好佢份工,玩鋪勁係呃人嘅,無論喺民生或民主上,佢都係做騷嘅意味較重。」

Money18免費即秒股票報價網站現推出8升級功能,財經資訊,實時實發!